Durnalar, siz deyin, qan qardaşlarım
Gəlib dərd əlindən zara, deyil mi?
Odlar torpağının ürək parçası
ARAZın o tayı, ora deyil mi?!
İnsanlar göz açmır əlindən yasın,
Gülləri qaradır baharın, yazın.
Qoca ər evində satılan qızın
Örtüyü günütək qara deyil mi?
Süleyman bağlısan o doğma yerə,
Vətənim deyirsən gündə min kərə.
Təbriz gözəlindən sənə xatirə
Bağrında sızlayan yara deyil mi?